📰 “स्वातंत्र्य, समता, बंधुतेच्या विचारांनी उजळला अहेरी वनविभाग; डॉ. बाबासाहेब आंबेडकर जयंती उत्साहात साजरी”

📰 गडचिरोली | दि. १४ एप्रिल २०२६ : भारतरत्न डॉ. बाबासाहेब भीमराव आंबेडकर यांच्या १३५ व्या जयंतीनिमित्त अहेरी वनपरिक्षेत्र कार्यालयांतर्गत शासकीय कार्यालय तसेच वन वसाहत परिसरातील भव्य मिटिंग हॉलमध्ये जयंती उत्साहात साजरी करण्यात आली.

या प्रसंगी वनपरिक्षेत्र अधिकारी अहेरी मा. श्री. एन. डी. इंगळे यांनी डॉ. आंबेडकर यांच्या प्रतिमेला पुष्पहार अर्पण करून अभिवादन केले व कार्यक्रमाची सुरुवात केली. आपल्या मनोगतात त्यांनी डॉ. आंबेडकर यांच्या स्वातंत्र्य, समता आणि बंधुता या मूलभूत तत्वांवर आधारित समाज व देश उभारण्याचे आवाहन उपस्थितांना केले.

कार्यक्रमास परिक्षेत्रातील सर्व कार्यालयीन तसेच क्षेत्रीय अधिकारी व कर्मचाऱ्यांनी उत्स्फूर्त उपस्थिती दर्शविली. कार्यक्रमाचे सुत्रसंचालन श्री. आर. बी. पिंपळकर (क्षेत्र सहाय्यक, अहेरी) यांनी केले.

यावेळी उपस्थित सर्व अधिकारी व कर्मचाऱ्यांनी प्रतिमेला पुष्पहार व पुष्प अर्पण करून विनम्र अभिवादन केले. शेवटी उपस्थित मान्यवरांचे आभार मानून कार्यक्रमाची सांगता करण्यात आली.

👉 डॉ. बाबासाहेब आंबेडकर यांच्या जयंतीनिमित्त त्यांना विनम्र अभिवादन व कोटी कोटी प्रणाम. 🙏💐