आईवर जीवापाड प्रेम करणाऱ्या पुत्रावर दुःखाचा डोंगर; वैरागड परिसरात शोककळा
गडचिरोली ,: वैरागड, ता. आरमोरी : आई ही प्रत्येकाच्या आयुष्यातील देवतासमान व्यक्ती असते. तिच्या सेवेत स्वतःचे आयुष्य अर्पण करणारे आणि आईच्या प्रत्येक सुख-दुःखात सावलीसारखे उभे राहणारे भोलूभाऊ सोमनानी यांच्यावर दुःखाचा डोंगर कोसळला आहे. त्यांच्या मातोश्री कमलाबाई दयाराम सोमनानी (आई) यांचे दि. २० मे २०२६ रोजी नागपूर येथील रुग्णालयात उपचारादरम्यान दुःखद निधन झाले. त्यांच्या निधनाची बातमी समजताच वैरागड परिसरात शोककळा पसरली आहे.
भोलूभाऊ सोमनानी हे आपल्या आईप्रती असलेल्या अपार प्रेमासाठी ओळखले जात होते. आईची तब्येत थोडीशी जरी बिघडली, तरी छोट्या-छोट्या गोष्टी मनावर घेत तात्काळ डॉक्टरांकडे घेऊन जाणे, तिची काळजी घेणे आणि प्रत्येक क्षणी तिच्या सेवेसाठी तत्पर राहणे, हा त्यांचा स्वभावच बनला होता. काही दिवसांपूर्वी आई खाली पडल्याने त्यांच्या प्रकृतीत अधिक बिघाड झाला. त्यानंतर भोलूभाऊ यांनी नागपूर येथील रुग्णालयात दाखल करून स्वतः तिच्या उपचारांवर लक्ष केंद्रित केले.
रुग्णालयातही त्यांनी आईची अखेरच्या क्षणापर्यंत सेवा केली. आई बरी व्हावी यासाठी शक्य ते सर्व प्रयत्न केले, अनेक संकटांना सामोरे जात तिच्यासाठी वाटेल ते करण्याची तयारी ठेवली. मात्र, अखेरीस नियतीपुढे त्यांचे सर्व प्रयत्न अपुरे ठरले आणि आईची माया कायमची हरपली.
भोलूभाऊ यांचा स्वभाव हा मनमिळावू, प्रेमळ आणि मदतीसाठी तत्पर असा आहे. कुणाबद्दल द्वेष, राग किंवा कपट न बाळगता सर्वांना आपले मानणारे, गरजूंना मदतीचा हात देणारे आणि समाजात सर्वांच्या मनात स्थान निर्माण करणारे व्यक्तिमत्त्व म्हणून त्यांची ओळख आहे. आईवर असलेले त्यांचे निस्वार्थ प्रेम हे अनेकांसाठी प्रेरणादायी ठरावे असेच होते.
आज त्यांच्या आईच्या निधनामुळे सोमनानी कुटुंबावर दुःखाचा डोंगर कोसळला असून, नातेवाईक, मित्रपरिवार आणि परिसरातील नागरिकांकडून शोकसंवेदना व्यक्त करण्यात येत आहेत. दि. २१ मे २०२६ रोजी सायंकाळी ४ वाजता वैरागड, ता. आरमोरी येथे अंत्यविधी पार पडणार असल्याची माहिती कुटुंबीयांनी दिली आहे.
“महा Express News Network” पूर्ण टीम व परिवाराकडून दिवंगत आत्म्यास भावपूर्ण श्रद्धांजली अर्पण करण्यात येत असून, ईश्वर त्यांच्या आत्म्यास चिरशांती देवो आणि भोलूभाऊ सोमनानी व परिवाराला हे दुःख सहन करण्याची शक्ती देवो, हीच भावपूर्ण श्रद्धांजली व्यक्त करण्यात येत आहे. 🙏🕯️
“आईवरील निस्वार्थ प्रेम हरपले… भोलूभाऊ सोमनानी यांच्या मातोश्रींचे दुःखद निधन; परिसरात हळहळ”
