🟥 माजी राज्यमंत्री राजे अम्ब्रीशराव महाराजांचा संवेदनशील निर्णय; 12 वर्षीय मुलीच्या हृदय शस्त्रक्रियेची जबाबदारी स्वीकारली

🟥 माजी राज्यमंत्री राजे अम्ब्रीशराव महाराजांचा संवेदनशील निर्णय; 12 वर्षीय मुलीच्या हृदय शस्त्रक्रियेची जबाबदारी स्वीकारली

गडचिरोली : कारसपल्ली/सिरोंचा |  मानवी संवेदनशीलतेचा प्रत्यय देणारा एक हृदयस्पर्शी प्रसंग कारसपल्ली येथे घडला. अहेरी इस्टेटचे राजे तथा माजी राज्यमंत्री राजे अम्ब्रीशराव महाराज यांनी 12 वर्षीय गरजू मुलीच्या हृदयविकार उपचारासाठी पुढाकार घेत संपूर्ण जबाबदारी स्वीकारत समाजापुढे एक आदर्श उभा केला आहे.

सिरोंचा तालुक्यातील कारसपल्ली येथे आयोजित वाढदिवस कार्यक्रमात राजे महाराजांनी उपस्थिती लावली असता, परिसरातील शेकडो नागरिकांनी उत्स्फूर्त प्रतिसाद देत मोठ्या संख्येने हजेरी लावली.

कार्यक्रमादरम्यान कु. श्रीवर्षिनी राजकुमार नरसपुरे (वय 12) हिला गंभीर हृदयविकार असून ओपन हार्ट सर्जरी करावी लागणार असल्याची माहिती तिच्या कुटुंबीयांनी राजे महाराजांना दिली. उपचारासाठी मोठ्या आर्थिक मदतीची गरज असल्याचेही त्यांनी यावेळी सांगितले.

कुटुंबाची अत्यंत हलाखीची परिस्थिती लक्षात घेत, राजे महाराजांनी कोणताही विलंब न करता मुलीच्या पुढील उपचारासाठी आवश्यक आर्थिक मदत करण्याची जबाबदारी तात्काळ स्वीकारली. त्यांच्या या निर्णयामुळे कुटुंबाला मोठा दिलासा मिळाला असून, उपस्थित नागरिकांच्या डोळ्यातही कृतज्ञतेचे अश्रू तरळले.

राजे अम्ब्रीशराव महाराज यांची गरजूंसाठी सदैव मदतीचा हात पुढे करणारे नेतृत्व म्हणून असलेली ओळख या घटनेमुळे पुन्हा अधोरेखित झाली आहे. त्यांच्या या मानवतावादी निर्णयाचे सर्व स्तरांतून कौतुक होत असून, समाजात सकारात्मक संदेश पोहोचला आहे.

दरम्यान, वाढदिवस कार्यक्रमात राजे महाराजांची एक झलक पाहण्यासाठी नागरिकांनी मोठी गर्दी केली होती. संपूर्ण कारसपल्ली परिसरात उत्साहाचे वातावरण निर्माण झाले होते.

⭐ “सत्ता नाही, तर संवेदनशीलता मोठी—राजे महाराजांच्या निर्णयाने एका निरागस जीवाला मिळाली नवजीवनाची आशा!”