🔥 “संघटन सृजन अभियानाला वेग; एटापल्ली-भामरागडमध्ये काँग्रेसची ताकद वाढवण्याचा निर्धार!”

🔥 “संघटन सृजन अभियानाला वेग; एटापल्ली-भामरागडमध्ये काँग्रेसची ताकद वाढवण्याचा निर्धार!”

गडचिरोली : अहेरी विधानसभा क्षेत्रातील एटापल्ली व भामरागड तालुक्यांमध्ये काँग्रेस पक्षाच्या संघटन सृजन अभियानाअंतर्गत महत्त्वपूर्ण बैठक उत्साहात पार पडली. या बैठकीस अखिल भारतीय राष्ट्रीय काँग्रेस कमिटीचे सदस्य तथा आमदार श्री मनीष यादव, आमदार श्री संजयजी मेश्राम यांच्यासह जिल्हाध्यक्ष महेंद्र ब्राम्हणवाडे, युवक काँग्रेसचे राष्ट्रीय सचिव विश्वजित कोवासे, माजी जि.प. अध्यक्ष अजय कंकडलावार, प्रदेश काँग्रेस सचिव हनुमंत मडावी आदी मान्यवरांची प्रमुख उपस्थिती होती.

एटापल्ली तालुकाध्यक्ष रमेश गंपावार, भामरागड तालुकाध्यक्ष लक्ष्मीकांत बोगामी, आदिवासी महामंडळ संचालक सैनुजी गोटा, युवक काँग्रेस जिल्हाध्यक्ष नितेश राठोड यांच्यासह स्थानिक पदाधिकारी व कार्यकर्त्यांनी मोठ्या संख्येने सहभाग नोंदवला.

बैठकीदरम्यान विधानसभा क्षेत्रातील संघटनात्मक कामकाजाचा सविस्तर आढावा घेण्यात आला. विविध सेल व फ्रंटल संघटनांचे पदाधिकारी, तालुकाध्यक्ष आणि कार्यकर्त्यांनी आपापले अनुभव मांडत संघटन अधिक मजबूत करण्यासाठी आवश्यक सूचना मांडल्या.

यावेळी उपस्थित मान्यवरांनी कार्यकर्त्यांशी थेट संवाद साधत तळागाळापर्यंत पक्ष बळकट करण्यासाठी एकजूट, सातत्यपूर्ण काम आणि जनतेशी प्रभावी संपर्क यावर भर देण्याचे आवाहन केले. आगामी राजकीय घडामोडी लक्षात घेता पक्षाची भूमिका अधिक प्रभावीपणे मांडण्यासाठी सज्ज राहण्याचे निर्देशही देण्यात आले.

ही बैठक काँग्रेसच्या संघटन विस्तारासाठी निर्णायक ठरणार असल्याची भावना कार्यकर्त्यांमध्ये व्यक्त होत आहे.