🟥 धानोरा तालुक्यात तहानलेल्या नागरिकांसाठी आमदार मिलिंद नरोटे यांची ‘पानपोई’ उपक्रमातून दिलासा

🟥 धानोरा तालुक्यात तहानलेल्या नागरिकांसाठी आमदार मिलिंद नरोटे यांची ‘पानपोई’ उपक्रमातून दिलासा

धानोरा, दि. 26 एप्रिल 2026 गडचिरोली जिल्ह्यातील धानोरा तालुक्यात उष्णतेचा पारा 45 अंशांवर पोहोचला असताना सर्वसामान्य नागरिकांच्या तहान भागवण्यासाठी गडचिरोली विधानसभा मतदारसंघाचे आमदार डॉ. मिलिंद भाऊ नरोटे यांनी सुरू केलेल्या ‘पानपोई’ उपक्रमाला मोठा प्रतिसाद मिळत आहे. धानोरा शहरासह विविध ठिकाणी उभारलेल्या या पाणपोईमुळे नागरिकांना थंड पिण्याच्या पाण्याची सोय उपलब्ध झाली आहे.

येरकड, मुरूमगाव आदी गावांच्या दौऱ्यानंतर भाजपा जिल्हा उपाध्यक्ष डॉ. प्रणय खुणे, जेष्ठ नेते भारत खटी, महिला आघाडी नेत्या सुनीता मडावी व सामाजिक कार्यकर्ते प्रमोद आसूटकर यांनी धानोरा शहरातील पाणपोईला भेट दिली. यावेळी त्यांनी थंड पाण्याचा आस्वाद घेत उपक्रमाचे कौतुक केले.

धानोरा तालुक्यातील ग्रामीण भागातून दररोज बाजार, शासकीय कामे व इतर कारणांसाठी शहरात येणाऱ्या नागरिकांना पिण्याच्या पाण्यासाठी मोठी अडचण भासत होती. आर्थिकदृष्ट्या दुर्बल घटकांना बाटलीबंद पाणी खरेदी करणे परवडत नसल्याने या पाणपोई उपक्रमाने त्यांना मोठा दिलासा मिळाला आहे.

विशेष म्हणजे, आमदार नरोटे यांनी मतदारसंघात ‘कर्तव्य कक्ष’ सुरू करून दर आठवड्याला नागरिकांच्या समस्या प्रत्यक्ष ऐकून तत्काळ निराकरण करण्याचा प्रयत्न केला आहे. प्रशासन आणि जनतेत समन्वय साधत “ऑन द स्पॉट” निर्णय घेण्याची त्यांची कार्यपद्धतीही चर्चेचा विषय ठरत आहे.

दर गुरुवारी भरत असलेल्या आठवडी बाजारात येणारे नागरिक सर्वप्रथम पाणपोईकडे धाव घेत असल्याचे चित्र दिसून येते. “भुकेल्याला अन्न आणि तहानलेल्या नागरिकाला पाणी” या तत्त्वावर काम करणारा लोकप्रतिनिधी म्हणून आमदार नरोटे यांची प्रतिमा अधिक दृढ होत आहे.

या उपक्रमामुळे केवळ तहान भागवण्याची सोय झाली नसून समाजकारणाचा एक आदर्शही निर्माण झाला आहे. गोरगरिबांच्या छोट्या-छोट्या समस्यांकडे लक्ष देत त्यांचे निराकरण करणारे आमदार म्हणून डॉ. मिलिंद नरोटे यांचे सर्वत्र कौतुक होत आहे.