🔥💙 “निळेमय अहेरीचा जल्लोष!” १३५ वी डॉ.आंबेडकर जयंती उत्साहाच्या शिखरावर; नागेपल्लीत भव्य बॅनर अनावरण 💙🔥

🔥💙 “निळेमय अहेरीचा जल्लोष!” १३५ वी डॉ.आंबेडकर जयंती उत्साहाच्या शिखरावर; नागेपल्लीत भव्य बॅनर अनावरण 💙🔥

गडचिरोली : भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त अहेरी तालुक्यात अभूतपूर्व उत्साह आणि जल्लोष पाहायला मिळाला.

तालुक्याच्या कानाकोपऱ्यात  भीमसैनिकांनी आणि नागरिकांनी महामानवाच्या विचारांना अभिवादन करत समतेचा जागर घडवून आणला.

नागेपल्ली येथील बसस्टॉप परिसरातील रेड्डी कॉम्प्लेक्स मुख्य चौकात “भव्य बॅनर डिस्प्ले अनावरण सोहळा” मोठ्या दिमाखात पार पडला.

या ऐतिहासिक सोहळ्यात माजी जिल्हा परिषद अध्यक्ष डॉ. अजय कंकडालवार,हणमंतू मडावी यांनी उपस्थित राहून डॉ. बाबासाहेब आंबेडकर यांच्या प्रतिमेस पुष्प अर्पण करत विनम्र अभिवादन केले.

यावेळी कंकडालवार यांनी सांगितले की, “समता, न्याय आणि बंधुत्वाचा संदेश हा देशाच्या प्रगतीचा खरा पाया आहे. बाबासाहेबांचे विचार आचरणात आणणे, हेच त्यांना खरे अभिवादन ठरेल.”

या भव्य सोहळ्याचे आयोजन आनंद दहागावकर मित्रपरिवार, नागेपल्ली यांच्या पुढाकारातून करण्यात आले होते. यासाठी रेड्डी सावकार, संजय येमसलवार, सतीश कोलपकवार, सतीश दैदावार, प्रशांत मंडल, प्रशांत रागीवार, आकाश रामटेके, अजय शेंडे, अक्षय दुर्गे, बाबल्या कांबळे, शुभम लोखंडे, सचिन खोब्रागडे, निखिल खोब्रागडे,अनिमेश दुगे, पीयुष कोंडगुर्ले,सहर्ष निमसरकर, जीवन विश्वास, निखिल आढेपु, एन्टिआर गुरुनूले, विलास निकोडे आदींचे सहकार्य लाभले. आणि

एम.एस.महालक्ष्मी पेट्रोलियम, नागेपल्ली चे नरेश बोमावार यांच्या वतीने यावेळी महाप्रसादाचेही आयोजन करण्यात आले होते.

सकाळपासूनच नागेपल्लीसह अहेरी तालुका निळ्या रंगात न्हाऊन निघाल्याचे चित्र दिसून आले. महागाव व अहेरी येथून निघालेल्या भव्य बाईक रॅलींनी संपूर्ण परिसर दणाणून सोडला.

“जय भीम” च्या घोषणांनी आणि डीजेच्या गजरात निघालेल्या या रॅलींमध्ये युवकांचा उत्साह ओसंडून वाहत होता.

विशेष म्हणजे,आलापल्ली येथे भव्य रॅलीने सर्वांचे लक्ष वेधून घेतले. तसेच ज्ञानज्योती बुद्ध विहार, नागेपल्ली तर्फे काढण्यात आलेल्या भव्य रॅलीने सर्वांचे लक्ष वेधून घेतले.

कार्यक्रमस्थळी नागरिक, महिला आणि युवकांची मोठ्या प्रमाणात गर्दी झाली होती. ठिकठिकाणी भीमगीतांचे कार्यक्रम, सामाजिक उपक्रम आणि जनजागृती कार्यक्रमांनी वातावरण भारावून गेले होते.

एकंदरीत, शांतता, शिस्त आणि सामाजिक ऐक्याचा आदर्श घालून देणारा हा जयंती उत्सव अहेरी तालुक्यातील सामाजिक बंध अधिक दृढ करणारा ठरला.