- राजे अम्ब्रीशराव महाराजांची उपस्थिती; पारंपरिक नृत्याने रंगला उत्सव, सामाजिक ऐक्याचा संदेश
📍 गडचिरोली, दि. १७ : बंगाली नववर्षाच्या निमित्ताने आलापल्ली येथे आयोजित करण्यात आलेली ‘श्रीकृष्ण पूजा’ अत्यंत उत्साहात आणि भक्तीमय वातावरणात संपन्न झाली. या कार्यक्रमाला मोठ्या संख्येने बंगाली बांधवांनी उपस्थित राहून धार्मिक आणि सांस्कृतिक परंपरेचा उत्सव साजरा केला.
या विशेष प्रसंगी अहेरी इस्टेटचे राजे तथा माजी राज्यमंत्री राजे अम्ब्रीशराव महाराज यांनी उपस्थित राहून बंगाली समाजाला नववर्षाच्या शुभेच्छा दिल्या. त्यांच्या उपस्थितीने कार्यक्रमाला विशेष रंगत आली. यावेळी त्यांनी बंगाली बांधवांसोबत पारंपरिक नृत्य करत उत्सवाचा आनंद द्विगुणित केला.
कार्यक्रमात श्रीकृष्ण पूजन, भजन-कीर्तन तसेच विविध सांस्कृतिक उपक्रमांचे आयोजन करण्यात आले होते. संपूर्ण परिसर भक्तिरसात न्हाऊन निघाला होता. उपस्थित नागरिकांनी या सोहळ्याचा मनसोक्त आनंद घेतला.
या उत्सवातून सामाजिक ऐक्य, सांस्कृतिक जतन आणि परंपरेचे महत्त्व अधोरेखित करण्यात आले. विविध समाजघटक एकत्र येऊन साजरा केलेला हा उत्सव आलापल्लीच्या सामाजिक सलोख्याचे प्रतीक ठरला.
यावेळी युवा नेते कुमार अवधेशराव बाबा आत्राम, जिल्हा सचिव अभिजित शेंडे, तालुका अध्यक्ष विकास तोडसाम, पेसा अध्यक्ष दीपक तोगरवार, सागर कोहळे, राजस्मित पोचमपल्ली तसेच स्थानिक गावकरी मोठ्या संख्येने उपस्थित होते.
📰 विशेष:
“संस्कृतीची परंपरा जपत एकात्मतेचा संदेश देणारा हा उत्सव आलापल्लीकरांसाठी अविस्मरणीय ठरला.”
