🟥 हनुमान जन्मोत्सवाच्या मुहूर्तावर रामय्यापेठा येथे भव्य हनुमान मंदिराचे लोकार्पण

🟨 डॉ. अजय कंकडालवार यांचा स्वखर्चातून उभारलेला उपक्रम; नागरिकांकडून कौतुकाचा वर्षाव

अहेरी, रामय्यापेठा परिसरातील नागरिकांसाठी श्रद्धा व भक्तीचे केंद्र ठरणारे भव्य हनुमान मंदिर हनुमान जन्मोत्सवाच्या पवित्र दिवशी उत्साहात लोकार्पित करण्यात आले. महाराष्ट्र प्रदेश काँग्रेस कमिटीचे महासचिव व माजी जिल्हा परिषद अध्यक्ष डॉ. अजय कंकडालवार यांनी हे मंदिर कोणतीही शासकीय मदत न घेता स्वतःच्या खर्चातून उभारले आहे.

लोकार्पण सोहळा मंत्रोच्चार, पूजा-अर्चा आणि धार्मिक विधींनी संपन्न झाला. या प्रसंगी गावातील नागरिकांनी मोठ्या संख्येने उपस्थित राहून कार्यक्रमात सहभाग नोंदवला. मंदिर उभारणीमुळे परिसरात भक्तीमय वातावरण निर्माण झाले असून नागरिकांनी या उपक्रमाचे मनापासून स्वागत केले.

डॉ. कंकडालवार यांच्या या सामाजिक व धार्मिक कार्याचे सर्वत्र कौतुक होत असून, त्यांच्या या उपक्रमामुळे समाजात धार्मिक भावना अधिक दृढ होण्यास मदत होणार असल्याची प्रतिक्रिया नागरिकांनी व्यक्त केली.
हनुमान जन्मोत्सवानिमित्त आयोजित या कार्यक्रमात प्रसाद वितरण करण्यात आले. उपस्थित भाविकांनी मोठ्या भक्तिभावाने हनुमानाचे दर्शन घेतले.

या सोहळ्यास महाराष्ट्र प्रदेश काँग्रेस कमिटीचे सचिव हनुमंतू मडावी, काँग्रेसचे ज्येष्ठ नेते व माजी उपसरपंच अशोक येलमुले, आलापल्ली ग्रामपंचायतचे माजी सरपंच अज्जू पठाण, तसेच संतोष वसाके, पुणेश कंदीकुरवार, राजाराम निकुरे, जुरू आत्राम, सोमेश्वर शेंडे, भगवान आदे, शंकरवार, सुरेश तोरेम, मधुकर वासके, अनुराधा सर्धार (ग्रामपंचायत सदस्य), रातो आत्राम, परवता लांबडे, शारदा गुरनुले, मंदाबाई निकुरे, विनोदा तोरेम, चिन्नू ठाकरे, भीमराव, जीवन गुरनुले, बापूराव ठाकरे, सुधाकर वाडेय, स्वप्नील मडावी, सुरेश गुरनुले, महेंद्र निकोडे यांच्यासह स्थानिक नागरिक, काँग्रेस पदाधिकारी व कार्यकर्ते मोठ्या संख्येने उपस्थित होते.