🟥 वेलगूरमध्ये रात्रकालीन क्रिकेट स्पर्धेचा जल्लोष; शाहीन भाभी हकीम यांच्या हस्ते शानदार उद्घाटन….

📄गडचिरोली : जिल्ह्यातील अहेरी तालुक्यात येत असलेल्या वेलगूर येथे स्वर्गीय चाचम्मा हकीम यांच्या स्मृतिप्रीत्यर्थ न्यू स्टार क्रिकेट क्लब, वेलगूर यांच्या वतीने आयोजित करण्यात आलेल्या भव्य रात्रकालीन 30 यार्ड क्रिकेट स्पर्धेचे उद्घाटन मोठ्या उत्साहात पार पडले. या स्पर्धेचे उद्घाटन मा. सौ. शाहीन भाभी हकीम (विभागीय अध्यक्ष, राष्ट्रवादी काँग्रेस पार्टी शरद पवार गट) यांच्या हस्ते करण्यात आले, तर सहउद्घाटक म्हणून मा. बबलू भैय्या हकीम उपस्थित होते.

या स्पर्धेमुळे वेलगूर परिसरात क्रीडामय वातावरण निर्माण झाले असून युवकांमध्ये विशेष उत्साह पाहायला मिळत आहे. उद्घाटनप्रसंगी मान्यवरांनी खेळाडूंना क्रीडाभावनेने खेळण्याचे आवाहन करत स्पर्धेला शुभेच्छा दिल्या.

स्पर्धेसाठी आकर्षक बक्षिसांची घोषणा करण्यात आली असून प्रथम पारितोषिक म्हणून ₹35,001 रोख रक्कम व चषक (मा. सौ. भाग्यश्रीताई आत्राम हलगेकर यांच्या तर्फे), द्वितीय पारितोषिक ₹25,001 (मा. शाहीन भाभी हकीम यांच्या तर्फे) तर तृतीय पारितोषिक ₹15,001 (न्यू स्टार क्रिकेट क्लबतर्फे) ठेवण्यात आले आहे.
उद्घाटन कार्यक्रमास सरपंच किशोर भाऊ आत्राम, उपसरपंच उमेश मोहूर्ले, रोहित गलबले, आदिल भाऊ पठाण, डॉ. गलबले, डॉ. हलदर तसेच ग्रामस्थ मोठ्या संख्येने उपस्थित होते. कार्यक्रमाचे सूत्रसंचालन शंकर मराठे यांनी केले, तर आभार प्रदर्शन दिलीप राऊत यांनी मानले.